கண்ணனின் கிறுக்கிப்போட்ட காகிதங்கள்

எல்லோருக்கும் ஏதோ
தேவைப்படுகின்றது
அதனாலே உள்ளங்கள்
பெரும் காயப்படுகின்றது

நல்லோருக்கும் அது
நியாயப்படுகின்றது
வல்லோருக்கு மட்டும்
தன் வசப்படுகின்றது

என்னோர் உன்னோர் என
யாருக்கு எவருள்ளோர் ?
முன்னோர் பின்னோர் என
முனைப்போர் நகைப்போர்

இல்லோர் இருப்போர் இனி
எதற்கும் உதவாதோர் என
நயப்போர் செழிப்போர் தனில்
எளியோர் என்று எழுவோர்

உழைப்போர் உய்யாதோர்
உண்போர் உணராதோர் என
உருக்குலைந்து கிடப்போர்
உலகில் ஊரிப்பட்டோர்..

கொடுப்போர் தடுப்போர் என
நடிப்போர் கிடையோர் இங்கே
எடுப்போர் உடையோர் என்று
நடத்துகிறார் மாபெரும்போர் !