கண்ணனின் கிறுக்கிப்போட்ட காகிதங்கள்

கடவுள் கடவுளென்று
கண்கலங்க வைக்கிறியே
உலகம் உருண்டையென
ஊகிக்க மறுக்கிறியே

வாடா வாடா என்று
வாரி அணைக்கிறியே
வரும் வழி தெரியாது
வாடித் தவிக்கிறேனே

போடா மடையா என்று
பொறுமை இழக்கிறியே
போகச் சொல்லிவிட்டு
பொங்கி அழுகிறியே

பொறுக்கி நீ என்று
நொறுக்கி எறியிறியே
நொறுக்கி எறிந்துவிட்டு
பொறிக்கி எடுக்கிறியே

தடுக்கி விழுந்தவனை
முடுக்கி விடுகிறியே
முடுக்கி விட்டுட்டு
கொழுக்கி போடுறியே

சிறுக்கி இருடி வாறன்
உருக்கி குடிக்கப் போறன்
மயக்கி மார்பில் போட்டு
கிறுக்கி வைக்கிறன் பாரன் !