கண்ணனின் கிறுக்கிப்போட்ட காகிதங்கள்

நகைச்சுவை என்பது
நாசுவையல்ல
நகைப்புக்குரியது
நகைச்சுவையுமல்ல

நற்சுவை நயச்சுவை
நாசுவையோடு
நயம்புதல் என்பதே
நற்சுவையாகும்

பொற் சுவை பொருட்சுவை
பொலிவற்ற பொறுப்பினை
கற்றவை கசந்தவை, ஏன்
கைகால் முளைத்தவை

இத்துனை எத்துணை
ஏய்த்துப் பிழைப்பவை
அத்துனை இயம்பிலும்
எத்தனை சொற்பிழை

கற்பனை ஒப்பனை
காற்றில் மிதப்பவை
சொப்பனம் ஒன்றிலே
சொர்க்கத்தை காண்பவை

கற்பினை நட்பினை
கசக்கி எறிந்தவை
சப்பி உமிழ்ந்து காறித்
துப்பிய சக்கைகள்

விக்கி விழுங்கி
வீண்பழி சொல்பவர்
கொக்கிக் கொழுவி
குரல்வளை நசிப்பவர்

தப்பித் தவறி தனித்துவம்
பூண்டு எட்டிப் பிடித்து
ஏறிட முனைந்தால் குத்தி
குதறி குருதியைக் குடிப்பார் !