சண்டையின்றி சாய்த்த சண்டாளி

ஏழும் ஏழும் பதின்நான்கென்றேன்
தோழன் நீ என் சொந்தம் என்றாள்

எட்டும் எட்டும் பதினாறென்றேன்
தட்டி விட்டுட்டு எட்டாதென்றாள்...

வட்டம் போட்டு நடுவில் நின்றேன்
சட்டப்படி இது செல்லாதென்றாள்

கட்டம் கட்டி கணக்கு போட்டேன்
கூட்டிக் கழித்து தவறு என்றாள்

சகியே இதுவுன் சதியா என்றேன்
விதியை வெல்லும் மதியிதுவென்றாள்

தொண்டை காய்ந்து என் மண்டை
வெடித்து .சண்டை .போடாமலே

பொத்தென்று சுருண்டு பொசுக்கென்று
வளைந்து சாய்ந்து விழுந்தேன் தரையில் !