வியர்வைக்கு மருந்து விசம்

பாவத்தை சுமந்து கொண்டு காகத்துக்கு
சோறு வைத்தோமே
தர்மத்தை அகற்றிவிட்டுச் சட்டத்தை
விதைத்து விட்டோமே
புத்தியை பதம் பார்க்க கூர்க் கத்தியால்...
கீறிவைத்தோமே
நியாயத்தை அறுவடை செய்து பெட்டிக்குள்
பூட்டி வைத்தோமே
அன்பென்னும் ஆயுதத்தால் அடிமைகளாய்
ஆட்டிவைத்தோமே
வாழ்க்கையின் தத்துவம் வசதியில் உள்ளதென
சாத்திரம் சொன்னோமே
இதற்கு ஆத்திரப் படும் மனிதர்கள் எல்லோரும்
நாத்திகரென்றோமே
சாதிச் சடங்கென்று போர்வையைப் போர்த்திட்டு
சேற்றுக்குள் நிற்கின்றோமே
வேர்க்க உழைத்தவன் வாடி விழுவதை நாம்
வேடிக்கை பார்த்தோமே
நேற்று விதைத்தது இன்று முளைத்தது நாளை
விசமாகும்
இதற்கு மாற்று மருந்துகள் தேடிப்பிடிக்கனும்
சோற்றில் கலக்கமுன்னே..!