கணக்கு போட்டு வாழ்ந்து பார் புரியும்

ஒன்றும் ஒன்றும் இரண்டு
பூட்டி வைத்தால் மூன்று
நாலும் இரண்டும் ஆறு
நடந்தது என்ன கூறு

ஆறும் ஒன்றும் ஏழு
எழுதி வைத்துப் பாரு
ஏழும் இரண்டும் ஒன்பது
ஒன்றாய் இருந்தால் தெம்பு

ஒன்பதும் ஒன்றும் பத்து
ஒத்துப்போனால் சொத்து
பத்தும் ஒன்றும் பதினொன்று
பகுத்து அறிவது நன்று

பதினொன்றும் ஒன்றும் பன்னிரண்டு
பழியுணர்ச்சியை கொல்லு
பன்னிரண்டும் இரண்டும் பதின்நாலு
பன்னீர் தெளிக்கச் சொல்லு

பதின்நாலும் ஒன்றும் பதினைந்து
பழகிப் பார்ப்பதில் கண்ணு
பதினைந்தும் இரண்டும் பதினேழு
பார்த்தும் ரசித்தும் செல்லு

பதினேழும் ஒன்றும் பதினெட்டு
பருவம் முழுவதும் பொன்னு
பதினெட்டும் இரண்டும் இருபது
படுக்கையில் மின்னும் பாம்பு

இருவதும் ஒன்றும் இருவத்தொன்று
இனிப்பாய் தொடங்கும் வம்பு
இருபத்தொன்றும் இரண்டும் இருபத்துமூன்று
இதற்குப்பின் தான் உனக்கு சங்கு..!